Primeiru Ministru Xanana Gusmao Uza Ro'o Petrulamentu PNTL Ba Nia Ferias Iha Tutuala

Primeiru Ministru Xanana Gusmao uza sasan estadu halo nia ferias loron lima hamutuk ho familia no amigus malae sira iha Tutuala Lautem. Primeiru Ministru Xanana nebe dala barak hetan kritikas  ba nia Governu, tan  funsionarius guvernu dalabarak uza kareta  estadu ba passiar no uza vidru metan iha Dili no fatin seluk ba sira nia interesse privadi, maibe kritikas sira nee laos deit ona funsionarius sira, Primeiru Ministru rasik mos uza sasan estadu nian halo nia ferias iha Lautem Tutuala.
Ferias nebe Primeiru Ministru Xanana Gusmao halo iha Tutuala ho uza sasan estadu hamutuk ho nia familia no belun internasionais sira, prevene Primeiru Ministru atende Ceremonia Halot Materuin Assuwain Adjunctu Fernando Txai Membro CCF nebe mos Camarada bot Xanana nia durante funu resistensia. Cerimonia nee halao iha Lore iha loron 3 Abril 2011. Fernando Txai tuir informasaun ema barak kuinese diak Xanana Gusmao wainhira nia assume knar hanesan Adjucntu no membro CCF ho nia familia tomak mate ba funu ukun rasik an. Primeiru Ministru halo nia ferias iha Tutuala tuir lolos bele lao too ba Lore atu partisipa iha ceremonia halot Assuwain Fernando Txai  maibe Primeiru Ministru hili liu nia ferias ho uza sasan estadu iha Tutuala.

Loron 3 Abril 2011, Suco Lore halot Assuwain Fernando Teles do Nascimento Alias Txai Alias Bazuka, Adjucto Politiko no Membro CCF, ho nia familia tomak nebe mate iha funu ba libertasaun rai Timor Leste, Txai mate hamutuk ho nia kaben Cornelia Ladeira Ximenes iha Sagadate iha embuskada nebe Forsas Indonesia sira halo iha tinan 1980. Familia no suco Lore halot hamutuk ho Txai nia maun alin sira nebe mate mohu ba funu libertasaun Timor Leste nian..Bento Teles (Nikki) Primeiru Komandante Sub Rejiaun Laur, mate ho nia oan iha 1983 iha Pupuru area Lospalos, Faustino Teles mate iha 14 Agosto 1985 ho nia kaben Ermelinda Ximenes, no sira nia oan Luis Ximenes Membro escoltu ba Komandante Xanana Gusmao mate iha fatin subar iha Soru Kraik Ainaro iha 1986. Marka prezensa ba Ceremonia halot Assuwain Fernando Teles ho nia familia tomak, Secretario Jeral FRETILIN Dr Mari Alkatiri, Brigadeiro Lere Anan Timur, Mauhuno, Coronel Falur Rate Laeok no sira seluk tan, Xanana la marka nia prejensa iha Ceremonia nee tan nia halo hela ferias Tutuala. 

James Coy  Adviser USAID ba Assuntus Rai nian, hola parte iha ferias Primeiru Ministru Xanana ho nia familia iha Tutuala nebe uza sasan estado Timor Leste. Adviser Internasional sira mos uza sasan estadu Timor Leste nian ba sira nia ferias.

Primeiru Xanana Gusmao uza roo petrulamentu Polisia Nasional TL ba nia ferias iha Tutuala durante loron lima

Oan Primeiru Ministru Xanana Gusmao halimar iha ro PNTL maritima nian iha ferias iha Tutuala  

 Priemiru Ministru Xanana Gusmao ho nia Kaben Kristy Sword Gusmao uza roo petrulamentu Maritima PNTL nian ba sira nia ferias iha Tutuala. Ro'o petrulhamentu PNTL nian uza ba ferias no lao haleu ilha Jaco.  

 Senhora Melissa Day Reprezentante IFC, International Finance Cooperation ho nia Kaben James Coy Adiviser ba Assunto Rai nian husi USAID halo ferias hamutuk ho Primeiru Ministru Xanana iha Com ho Tutuala nebe uza roo Petrulhamentu PNTL nian, sasan estadu uza ba ferias familia nian. 

1. Primeiru Ministru Xanana ba ferias iha iha Tutuala  husi Dili sae roo oferese husi Companha nebe nain mak Lorenco Atauro. Ro'o petrulamentu Polisia Maritima Timor Leste nian ba husi Dili atu fo apoiu ba Primeiru Ministru Xanana Gusmao no nia familia ho amigus sira hodi goza sira nia ferias iha Tutuala durante loron lima husi loron 29 Marsu to'o 4 Abril 2011. Hamutuk iha ferias Primeiru Ministru Xanana ho nia familia,  Melissa Day Reprezentante IFC (Internasional Finansial Cooperation) ho nia kaben Jim Coy USAID nebe serbisu hanesan Adviser ba Assuntus Rai nian iha Timor Leste. Primeiru Ministru Xanana iha nia ferias loron lima iha Tutuala. Ita sedauk hatene osan hira mak gasta ba atu sosa mina durante loron lima iha Tutuala hodi tula familia Primeiru Ministru Xanana ho nia amigus internasionais sira halo ferias iha Tutuala. Per diem ba polisia maritima sira durante loron lima serbisu ba Primeiru Ministru nia ferias iha Tutuala ita lahatene se los mak selu. Se estadu mak selu sira nia perdiem entaun estadu nia osan gasta ba Primeiru Ministru Xanana nia ferias.